បន្ទាប់ពីរកឃើញថា កញ្ញា វី ឌីណែតជាម្ចាស់ជ័យលាភី I Am A Singer Cambodia រដូវកាលទី2រួចមក ឃើញថាមានការ អបអរសាទរយ៉ាងច្រើនពីអ្នកគាំទ្រកញ្ញា និងតារាចម្រៀងក្នុងផលិតកម្មជាមួយកញ្ញា។ គួរបញ្ជាក់ផងដែរថាកញ្ញា វី ឌីណែតបានចូលរួមការប្រកួតកម្មរិធី ២ដងរួចមកហើយ I Am A Singer រដូវកាលទី1 និងThe Mask Singer Cambodia រដូវកាលទី1 តែទើបតែពេលនេះដែល កញ្ញា ទទួលបានជោគជ័យលើ កម្មវិធី I Am a Singer Cambodia រដូវកាលទី2 នេះដោយបានសម្រេចនូវក្តីស្រម៉ៃរបស់ខ្លួននៅរដូវកាលទី2នេះ។
អ្វីដែលពិសេសជាងនេះ ទៅទៀត គេសង្កេតឃើញថា កញ្ញា តាក់ម៉ា បានបង្ហោះ សារអបអរសាទរ ដល់កញ្ញា វី ឌីណែត ថែមទៀតផង ដោយកញ្ញាតាក់ម៉ាបានសរសេរនៅក្នុងបណ្តាញសង្គម ហ្វេសប៊ុកថា “បងសូមចូលរួមអបអរសាទរផងណាប្អូនស្រី Vy Dyneth HM ទីបំផុតក្តីស្រម៉ៃរបស់ប្អូនក្លាយជាការពិតហើយ ទោះជានៅលើឆាកពួកយើងគឺជាគូប្រជែងនឹងគ្នា ប៉ុន្តែនៅពីក្រោយឆាកប្អូនប្រៀបដូចជាប្អូនស្រីរបស់បង អរគុណអូនដែលតែងតែគោរពនឹងឲ្យតម្លៃបង ហើយបងសូមជូនពរអោយអូនជោគជ័យកាន់តែខ្លាំងឡើងណា ដែលនេះជារឿងធ្វើអោយបណ្តារអ្នកគាំទ្រកញ្ញាតាក់ម៉ា និងអ្នកគាំទ្ររបស់កញ្ញាវីឌីណែតសរសើរពីទឹកចិត្តរបស់ កញ្ញា តាក់ម៉ាជាខ្លាំង។
មិនត្រឹមតែប៉ុណ្ណោះ កញ្ញាវីឌីណែតក៏បានចូលទៅតបជាមួយកញ្ញាតាក់ម៉ាវិញថា”អរគុណយ៉ាងខ្លាំងបងស្រី ជូនពរបងជោគជ័យដូចគ្នាស្រលាញ់ និងគោរពបង។
