កញ្ញា តាក់ម៉ា លេចមុខជាថ្មីលើវិថីសិល្បៈ និងក្នុងកម្មវិធី I AM A SINGER CAMBODIA បន្ទាប់ពីបាត់មុខពីសិល្បៈអស់រយៈពេលជាច្រើនឆ្នាំ ដូចដែលប្រិយមិត្តបានជ្រាបរួចហេីយថា កញ្ញា តាក់ម៉ាបានបាត់មុខពីវង្វង់សិល្បៈអស់រយៈជាយូឆ្នាំមកហេីយ ជាហេតុធ្វេីអោយអ្នកគាំទ្រជាច្រេីនមានការងើងឆ្ងល់ជាខ្លាំង។ កញ្ញា តាក់ម៉ា ជាតារាចម្រៀងជើងចាស់ ព្រមជាមួយសម្លេងពិរោះបំពេរ ផ្អែម និងប្លែក ដែលអាចនិយាយបានថាមានសម្លេងជាម្ចាស់ខ្លួន។
ការបង្ហាញវត្តមានរបស់ កញ្ញា តាក់ម៉ា សារថ្មីនៅលើវិថីសិល្បៈនេះ គឺនៅក្នុងកម្មវិធីប្រឡងតារាចម្រៀងអាជីបរបស់ស្ថានីយទូរទស្សន៍ហង្សមាស I AM A SINGER CAMBODIA ។ វត្តមានរបស់ កញ្ញា តាក់ម៉ា ពិតជាធ្វេីអោយអ្នកគាំទ្រទាំងអស់មានភាពភ្ញាក់ផ្អើលជាខ្លាំង ហើយមានការគាំទ្រយ៉ាងខ្លាំងទាំងលើបណ្តាញសង្គម និងកម្មវិធីប្រលងនេះផ្ទាល់។ មិនថានៅក្នុងកម្មវិធីប្រឡងត្រូវឆ្លងកាត់វិញ្ញាសារលំបាកប៉ុណ្ណាក៏ដោយ ក៏ឃេីញថា កញ្ញាតាក់ម៉ា បានឆ្លងផុតគ្រប់ឧបសគ្គទាំងអស់ ហើយកញ្ញា តាក់ម៉ា តែងតែមានអ្វីប្លែក ទាក់ទាញ និងបូករួមជាមួយស្នាដៃដ៏ល្អឥតខ្ចោះរបស់ លោកគ្រូភ្លេងរបស់កញ្ញា តាក់ម៉ា ។ ពីមួយសប្ដាហ៍ទៅមួយសប្ដាហ៍ កញ្ញា តាក់ម៉ា កាន់តែអភិវឌ្ឍន៍ខ្លួនឯងអោយកាន់តែលេចធ្លោខ្លាំង។ ហើយអ្វីដែលពិសេស ពេលនេះ កញ្ញា តាក់ម៉ា បានឆ្លងមកដល់សប្ដាហ៍ផ្ដាច់ព្រ័ត្រហេីយ នេះជាអ្វីដែលធ្វើអោយអ្នកគាំទ្រទាំងអស់មានការសប្បាយចិត្តជាខ្លាំង។
សូមបញ្ជាក់ផងដែរថា កញ្ញាតាក់ម៉ា មានលេខសំគាល់លេខ6 នៅក្នុងកម្មវិធី I AM A SINGER CAMBODIA បេីសិនជាបងប្អូនទស្សនិកជនទាំងអស់គ្នាស្រឡាញ់និងពេញចិត្ត កញ្ញា តាក់ម៉ា សូមចូលរួមបោះឆ្នោយអោយបានច្រេីនកុះករទាំងអស់គ្នា។ គ្រាន់តែសរសេរលេខ 6 រួចផ្ញេីទៅកាន់លេខ 2020 (សម្រាប់ប្រព័ន្ធsmartតែប៉ុណ្ណោះ)។
